Comments on: ERTZ08 Lehen 3 egunak: Kronika http://blogs.arteleku.net/audiolab/?p=1991 Arteleku: soinu laborategia | laboratorio de sonido Sat, 14 Mar 2015 18:33:59 +0000 hourly 1 http://wordpress.org/?v=3.5.1 By: xabier erkizia http://blogs.arteleku.net/audiolab/?p=1991&cpage=1#comment-22961 xabier erkizia Tue, 16 Sep 2008 21:40:43 +0000 http://blogs.arteleku.net/4.1/blog/audiolab/?p=1991#comment-22961 Milesker Oier kronista lana egiteagatik!
aunitz eskertzen dugu!!
Aurten iaz bezainbertze jende izan dugu jaialdian, eta igandean erraterako iaz baino gehiago, beraz antolatzaile garen heinean arrunt kontent gaudela onartu behar dugu. gainera emanaldien kalitate altua azpimarratuko nahiko genuke, aipatu dituzun horietatik hasita. Guionnet-en 3 emanaldiak erraterako bikainak izan ziren eta nahiz ederki erran duzun bezala elizako kontzertuan moldaketa batzuk egin behar izan genituen kontzerturako egoera egokiena sortzeko, azkenean Guionnet bera ere aski kontent gelditu zen emanaldiarekin. Ez gelditzeko moduan!! ikaragarrizko indarra, profesionaltasuna eta kalitatea erakutsi du frantsesak aurtengoan. Nik pertsonalki zuk erabili duzun birtuosismoa etengabeko bilaketa eta jakinminarengatik aldatuko nuke. Hori musikari puska! Ea laister dugun berriz ere gure artean.
Zure kronikari gehitzeko “Sonar Ciudades” filmearen emanaldia aipatuko nuke, ikaragarri egoera berezia izan baitzen. Kultur etxean bilutako (nagusiki) herritarrek umore haundiz hartu zuten Iriondoren filma, grazia haundia egin zien batzuei lagunak etabar ikustea zinema pantailan… erran bezala, egoera ederra izan zen. Eta azkenik Bizarrari dagokionez, onartu behar dut, nere ustetan, bai Berako set akustikoa nahiz Guionnetekin egin zuten emanaldia orain arte bikoteari entzun dizkiodan emanaldi hoberenak izan zirela.

azkenik, zure kronikaren sarreran aipatu duzun moduan, aipamen berezi bat egin nahiko dizuegu entzuleei (zuri barne jakina!) antolakuntzatik. Aurtengo esperientzia zinez eredugarria izan da, errespetu osoz, musikarekin gozatzeko jarrera paregabearekin eta giro bikainean egoteko prest dagoen entzulegoa izateak ez du preziorik. Milesker beraz zuei!

xabi

]]>