‘LURRA. Mirada subterranea para avestruces (Laberinto poético)’

Work in progress

ETEN taldea egitasmo batean parte hartzen ari da urrian zehar.

ZERO Antzerki konpainiak, Leioako Umore Azokan irabazi zuen sariari esker, BAD (Bilbao Antzerkia Dantza) Bilboko VIII. Antzerki eta dantza garaikidearen jaialdian parte hartuko du. Baina ez du antzezpen huts bat egingo. Urrian zehar laborategi bat gauzatzen ari dira eta bertan elkartzen ari dira aktoreak, bertsolariak, musikariak, diseinatzaileak, dantzariak guztion artean pieza bat sortzeko, zenbait ideiaren inguruan. Helburua ez da antzezlan bat egitea, ez da kontzertu bat egitea, ez da bertso-saio bat egitea, ez. Artearen hainbat diziplina elkarrekin biziko dira, guztiak maila berean egoteko.

Laborategia urriko asteburu guztietan gauzatzen ari da eta urriaren 30, 31 eta azaroaren 1, 2, 3an aurkeztuko da jendearen aurrean, Santutxuko BilboEszena aretoan, egunero 19.30etan. Pieza bizia da, sortze-prozesua amaitu gabe duena, eta egunetik egunera eboluzionatzen duena, hortaz, jendaurreko ikuskizun/entzunkizun bakoitza ezberdina izango da.

http://www.badbilbao.com/euskera/ficha.asp?codigoEvento=97&tipo=0

LURRAren asmoa ez da erantzunak ematea, galderak zuzen egitea baizik, betiereko galdeketa. Hunkitu, mugitu eta aldatu egin nahi du –artearen berezkoak diren funtzioak–. Sortze-prozesua, bestalde, bere jatorritik jendearen aurrera eramaten deneraino dena osorik ikusteko aukera bakar bihurtuko da. Arratsaldetan, 19:30ean, leku berean emango da ikuskizuna, baina aretoak 50 pertsonentzako edukiera bakarrik dauka.

Iraupena 75´

Info +

http://www.badbilbao.com

http://www.badbilbao.com/euskera/ficha.asp?codigoEvento=129&tipo =1