http://blogs.arteleku.net/audiolab/?p=647 Arteleku: soinu laborategia | laboratorio de sonido Sat, 14 Mar 2015 18:33:59 +0000 hourly 1 http://wordpress.org/?v=3.5.1 http://blogs.arteleku.net/audiolab/?p=647&cpage=1#comment-644 Administrator Tue, 05 Dec 2006 12:50:48 +0000 http://blogs.arteleku.net/4.1/blog/audiolab/?p=647#comment-644 ANDOAINGO GAZTETXEA AURRERA!, ez gaituzue geldituko!
22 urte luze dira, Andaoingo Gaztetxeak kontzertuak antolatzen dituela. Denbora luze honetan, milaka izan dira gure eskanatokitik igaro diren musika taldeak. Talde xumeak asko, sortu berriak edo dozenaka kontzertu eskainitakoak izan dute toki gure lau pareten artean. Euskal Herrian gaur egun puntan izan diren talde asko, lehen urratsak gaztetxe honetako eskenatoki txikian eginak dira, hots, Kortatu, Su ta Gar, Soziedad Alkoholika, Marea, Doctor Deseo, Negu Gorriak, Señor No, Nuevo Catecismo Catolico, Etsaiak, Barricada edo Dut bezalako bandak igaro dira gure etxetik… Estatu espainoleko talde asko ere izan dira gure artean. Talde esanguratsuak, Def Con Dos, Reincidentes edo Boicot kasu. Era berean, Europa zaharretik biran etorri diren talde askoren Euskal Herriko kontzertu bakarrak gaztetxe honetan izan dira. Mano Negra, Jingo De Lunch, Scream (Nirvana eta Foo Fighters taldeko kide den Dave Grohl ezaguna musikari zutela) gaur egun milloika disko saltzen dituzten Green Day, Snuff edo No Means No… Era berean, Andoaingo herriko kultura sustatzaile izateaz gain, herriko taldeen laguntzaile izan da. 80. hamarkadako Bap!! Ximorra, Karkaxa, Kutre, 90. hamarkadan Gaizkiñe, Cerdos Compases, %30 edo dagoeneko gure garaitan Natural Project edo Inoren ero ni topatu izan dira Gaztetxean. Azken batean, Andoaingo gaztetxea ezinbestean dago lotuta Euskal Herriko musika mugimenduarekin eta historiarekin. 22 urte ez dira hutsaren hurrengoa! Andoaingo Udaletxeak ez du gaztetxea maite, gauza jakina da. Instituzioek ez dute musika herrikoia gustoko, bere eskuetatik at dagoen deus onartzen ez duten bezala, beraien interes ekonomikoetatik kanpora mugitzen den oro maite ez duten bezala.
Pasa den ostiraleko gertakarien harira, Andoaingo Udala gaztetxea ixteko behar dituen pauso guztiak emateko prest da Gazte Asanbaladako kideei adierazi bezala. Udaltzaingoa eta Ertzantzak ez dituzte biolentziaz gure ametsekin amaituko. Ez da berria gaztetxea ixteko Udaletxeak duen idea, baino inoiz ez da horren present egon desalojo arriskua.
Ezin gaitezke eskuak gurutzaturik gelditu. Andoaingo gaztetxea defendatu behar dugu. Ez dezagun gure historiaren zati bat hiltzen utzi, interes partidista eta politikoen hatzaparretan!
Koldo Otamendi (musika kazetaria)

]]>