THE WIRE aldizkarian irakurri dugu, bi hilabetetan Alan Lomax soinu grabatzaile aitzindariaren artxibo osoa online entzuteko modua egonen dela. Egun, berak egindako 15.000 grabaketen zatitxoak entzun daitezke sarean, baina martxoan zatitxoak grabaketa oso bihurtuko dira. Entzuteko artxiboek Lomax beraren oharrak, informazioak, kokapenak eta datak ere eskainiko dituzte.
Egitasmo hau Global Jukebox disketxearen proposamena da. Disketxe hau Association for Cultural Equity elkartearena da, eta hain zuzen elkarte hau da Lomaxen artxibo osoaren dijitalizazio lana egiten ari den berbera.
Jakina den bezala Lomax Euskal herrian izan zen 1952an eta haren ondorioz argitaratu ziren bizpairu disko. bata Gipuzkoa eta Bizkaian grabatua, bertzea soilik Nafarroan, eta Aragoiko diskoan ere euskal herriko hainbat erreferentzia zahar topa daiteke, adibidez ttunttuna eta txirula Aragoian jotzen zirenekoa.

Lehenago aipatu Alex Mendizabali egindako elkarrizketaz gain, gaurko BERRIAk artikulu bat baino gehiago dakar, zuzenean edo zeharka soinuari buruz mintzatzen dena, alor eta ikuspegi ezberdinetatik. Merezi du, tarte bat hartu eta irakurtzeak, halako egunkari sonoroan… :

- Saguzaharrak eta ultrasoinuak A.Garciak Juan Tomas Alcalde biologoari elkarrizketa
- Megaupload eta FBI Xabi Erkiziak
- Metroo eta ahozko memoria Irene Arrizurrietak
- Korden teoria Bilbon
- Santa Ageda heldu da

«Musika ez da entzuten dena soilik, entzuten ez dena ere izan daiteke musika»

Alex Mendizabal,
GAUR otsailaren 2an, BERRIA egunkarian elkarrizketatua