Aste osoan ARRASTOAK mintegian Itziar Okariz eta Seijiro Murayamarekin inprobisazioaren inguruan lan egin ondotik, emaitza batzuk erakustera emateko garaia iritsi da. Kontzertua, performance-a edo dena delakoa izango ote den edo ez, soilik bertan jakingo da, momentuan, inprobisatuz, alegia.

Lehen emanaldi kolektiboa: mintegiko parte hartzaileekin
Apirilaren 5a, larunbata / 18:30etan
ARTELEKU, Kristobaldegi 14, Loiola auzoa (Donostia) Read the rest of this entry »

2013ko martxoaren 21ean BERRIA egunkariko A Capella zutabean agertu bezala:

Urtetan ez dut ulertu ni baino zaharragoei zergatik ez zitzaien gustatzen musikari gazteagoon musika, gure musika. Zahartzen joan naizen heinean ulertu dut dena». Aspaldi xamar irakurri nizkion hitzok musikari bati. Orduan ez nituen guztiz ulertu baina orain ederki sufritzen ditut. Berez, ez dute ulertzeko zaila den ezer. Ez dira hitz ulergaitzak. Itxura batean hain sinplea dirudien esaldiaren atzean gordetzen den egia tristea da momentu hartan bere osotasunean ulertu ez nuena.
Zorionez edo zoritxarrez, denborak nigan ere arrastoak eta zauriak utzi ditu. Uzten dizkit, egunero. Denoi bezala. Zahartzen goazen neurrian oroitzapenak erretxina bezala lotzen zaizkigu barrengo pareta, sabai eta zoruetan. Erremediorik gabe. Eta konturatzerako, hankak zanpatu ditugun zoletan atxikita geratzeko arriskua areagotu egiten da.
Aste honetan, 80ko zera (ez naiz saiatu ere egingo garai, aro, belaunaldi, mugimendu bezalako hitzen artean egokiena topatzen) mitiko hura bizi izan zuen musikaria entzun dut gaur egungo musika gutxiesten. Eskertzekoa da jarrera kritikoa, ez, ordea, erretxina. Ez paretetakoa, bertzea baizik: munduak jada erremediorik ez balu bezala, inolako autokritikarik egin gabe eta nostalgia ukatu batetik hitz egitea. Aste berean, 90eko euskal artearen protagonista nagusi izandako bati antzeko zer edo zer entzun diot. Ez hain erretxinduta, baina bai nostalgia ezkorretik solasean.
Krisiaren albo kalte psikologikoen ondorio izan daitekeela pentsatu dut lehenbizi. Bertzerik gabe, egia izan daitekeela, gero. Baina benetan kezka eragiten didana jarrera horien ondorioa da. Izandako garaiak beti dira originalak, autentikoak, benetakoak. Garaian garaikoak, aldiz, sekula ez. Denborarekin, direnak izandako haien itzal baino ez ditugu bihurtzen. Eta etorriko direnak…. tira, hobe bakean uztea.
Bizilegea dirudi. Zizeron zaharrak erran bezala, historia errepikatzera kondenatuta gaude. Gure erretxinetan atxikitzera. Eta zaharrei aurpegiratzen diegun bezala, erretxinduta bizitzera.

Xabier Erkizia

HOTS! irratiaren saio berria / Nuevo programa den la radio HOTS!

METTA PARITTA . Miguel Angel Elizalde

Metta Paritta, SN Goenka maisuak Vipassana meditazio erretiroen azken egunean, goizeko 6etan, abesten duen kantua da. Bere lezioetan oinarriturik, mundu osoan zehar ikastaroak ematen dituzten 800 irakasle delegatu baino gehiago  izan arren, inork ez du kantu hau abesteko baimenik. Arrazoi horregatik, bere urteroko 100.000 baino gehiago diren ikasleei grabaketa bera entzuten dute. Maisuarekin batera entzun bitartean, kantua grabatzea guztiz debekatuta dago, jatorrizko lekuan ez baita gailu elektronikorik onartzen. Beraz, grabaketa hau oso zirkuitu mugatuetan lor daiteke.+ info

….

Metta Paritta es el canto que el maestro SN Goenka recita a las 6:00 am el último día de sus retiros de meditación Vipassana. A pesar de que hay más de 800 profesores delegados que imparten los cursos por todo el mundo, nadie está autorizarlo a cantarlo. Por esta razón, sus más de 100.000 estudiantes anuales escuchan todos la misma grabación. Durante la audición está prohibido grabarlo debido a que no están permitidos los aparatos electrónicos. Dicho esto, se puede conseguir copias en circuitos reducidos. + info

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

[www.hots-radio.info]