WORKSHOP
Erreka baten berrikaspena (Re-study of a river). Paisaia mutu baten erresonantziak
Xabier Erkiziaren eta Iñigo Telletxearen eskutik

2011ko ekainaren 8 eta 9an
11:00-14:00/16:00-19:00
Loiolako kultur etxea
DONOSTIA (Gipuzkoa)
Doan

Study of a river (1996) Hudson ibaia negu gordinean irudikatzen duen txuri-beltzezko film mutu eder eta erakargarria da. Ibaia urte osoan zehar irudikatzea helburu duen proiektu haundiago baten zati da filma. Inguratzen gaituen paisaiarekin dugun harremanean hausnarketa eragitea proposatzen digu tailer honek (bisualki nahiz akustikoki), ikusentzunezko adierazpenaren bidez. Horretarako, Peter Huttonen filma oinarri hartuta, paisaiei soinua jartzeko lan esperimentala proposatzen dugu. Xabier Erkizia (Lesaka, 1975) eta Iñigo Telletxea (Bera, 1978) soinu artistek emango duten tailer honetan irudia eta soinuaren arteko elkarrekikotasun eta gatazken inguruko ariketa desberdinak egingo dira, isiltasunari buruzko hausnarketa praktikoa bultzatuz. Erregistro eta grabaketa mota nahiz teknika desberdinekin (urazpiko mikrofonoak…) lanean aritzeko aukera ere eskainiko da.

This entry was posted on Thursday, May 26th, 2011 at 10:59 pm and is filed under audiolab, deiak/convocatorias, ekitaldiak / eventos.