[ixi004] TZESNE: only for aerobic dancers
[ixi005] STEPANIE LOVELESS: Lines

Ixi-software software egile taldearen musika edizio dijitaleko sailak 4. eta 5. erreferentziak argitaratu ditu TZESNE gipuzkoarraren “only for aerobic dancers” eta Stepanie Loveless kanadiarraren “Lines” lanekin.
Lehena, beti dentsoa den Tzesneren ibilbideko bertze lanen aldean berezia da. Berezia, bai erabiltzen dituen soinuengatik baita estruktura aldetik ere. Horrek ez du erran nahi ordea “only for aerobic dancers”-en pop doinuak entzungo ditugunik ezta bere musikan ohikoa den pisua arin bihurtu denik baina nolabait Tzesnerena bezalako norabide trinkoan erraz nabaritzen dira aldaketak, aski ttikiak izanik ere.
Stepanie Lovelessen kasuan argitaratuako lana ikusentzunezkoa da, alegia bideo formatuan. Ia 10 minutuko iraupena duen “Lines” honetan musika ambientala da nagusi, goxoa, leuna eta melodikoa, baina nahiko klasikoa ere neurri berean. Gitarra (edo piano?) sampleak erabiliz nota luzeen sareek osatzen dute kanadiarraren musika. Bideoan berriz, nahiz eta antzeko moduak jorratzen dituen, emaitza bertzelakoa da. Prozesu dijitalak eta diseinua erabiliz, animazioaren eta 8mmko filmeen arteko sentsazioak sortzen dituzte irudiek.
Bi lan berezi eta gehienbat ixi-ko lagunek egiten dituzten programekin egin daitezken lanen bi adibide desberdin.

x.erkizia

www.ixi-software.net

This entry was posted on Monday, March 26th, 2007 at 8:35 pm and is filed under web - internet.